बियां तो गीगलौ मैत्रेय आप ई दसवों मी‘नो पूरा र्कयो है पण दुनियावी रिस्ता रै हिसाब सूं वीं अेक कदम आगै बढायो है। २० मार्च नें धूलंडी रै दिनुगै सै पैली तड़कै 4.23 पर म्हांरा मां जाया संजय भाई सा‘ब री कॉल आयी कै म्हें अेक भतीजै रो काको अर गीगलौ मनु (मैत्रेय रो घर रो नांव) बडो भायी साब बणग्यो है। सनेसो सुण‘र घणो हरख हुयौ। हालांकि मनु हाल अै बातां के समझै पण म्हें जद वीं ई टेम वीं नैं ओ सनेसो सुणायो तो वौ भौत ई जोर सूं हांस्यो। आस करूं कै आ ई भावना मनु उमर भर आप रै छोटै भाई सारू राखै अर छोटोड़ो ई मनु नैं पूरा मान देवै। राम-लिछमण री ज्यूं जोड़ी बणी रेवै कोयी दुनियावी सुवारथ वां दोन्यूवां माथे इत्तो हावी नीं हुवै कै वां में कोई दरार निगै आवै।
पूरे घर-परिवार में ई हरख रो माहौल है। भाई साब रै पैल्यां सूं अेक बेटी रानू है, इब गीगलै रै जलम सूं वां रो परिवार पूरण होयौ।
छोटै गीगलै रै सुदीरघ अर यशपूरण जीवण री सुभकामनावां...
वाह, चोखी खबर है सा।
ReplyDeleteबधाई सगळै कड़ूम्बै नै.....
संजय नै तो लख लख.....